Müəllimə Aid Gözəl Şeirlər
1️⃣ Müəllim Şeiri Müəllif: Əyyub Türkay. Yazmağı, oxumağı, Öyrətmisiz Siz bizə. Nə qədər “sağ ol” desək, Bu yenə azdır Sizə. Neçə elmin sirrindən Biz alırıq sorağı. Ömür yollarımıza, Yandırırsız çırağı. Zəhmətini müəllim, İnanın, danan olmaz. Sizi vəsf edən dillər, Danışmaqdan yorulmaz. 2️⃣ Müəllim şeiri Müəllif: Sərdar Zeynal. Nəsillərə paylayır, Gözlərinin nurunu, Ən çətin anda belə İtirmir qürurunu. Şagirdlərə bölür o Qazandığı varını. Qoymarıq itirə o Bizə etibarını.